【電子錢包支付戰】!「Smart Octopus」流動支付錢包

近期手機電子付款愈趨盛行,無論係Apple Pay, Android Pay, 又或者係最近大肆進軍香港嘅支付寶,都已經慢慢咁改變左香港人嘅付款方式。以前付款都係慢慢係銀包入面數錢幣,但係宜家只要有一部智能電話,嘟一嘟,就可以輕易付款,時間節省唔少。

其實我地香港一直以黎都有八達通呢一樣好好嘅發明,無論搭車、睇戲、食飯,基本上只要有一張八達通就可以,可謂四通八達。好可惜,科技日新月異,加上有唔少新科技推出,八達通技術就開始慢慢變得落後,過多幾年,加上內地公司洗錢式瘋狂洗腦,八達通好快就會被取代。

 

當好多人都擔心香港會唔會變做支付寶城市之後,我地本土嘅八達通就係11號宣佈同Samsung合作,推出首個支援八達通的「Smart Octopus」流動支付錢包。用戶可以將八達通加入 Samsung 智能電話,而且係電話關機或者無電嘅情況下,仍然可以使用。用戶更可以係電話內利用 Samsung Pay 為八達通增值。

希望呢個舉動可以幫助八達通邁出一步,收復失地。

不過可惜唔係每一個商戶都有八達通機,始終都同基本上每一個人都有嘅電話係差好遠。

You may also like...

Leave a Reply