【搭飛機唔怕瞓捩頸】Kickstarter「手手頸枕」MonPère

香港人經常外遊,無論係公幹定係旅行,一年飛4-5次唔係新鮮事。婆婆我就最怕搭飛機,坐到腰酸背痛唔在講,有時一個瞓覺姿態唔正確就會瞓捩頸,痛足幾日,真係好痛苦架!

睇嚟大家都有相同感受,所以近幾年旅行頸枕嘅花款愈出愈多、愈出愈多新功能;就好似婆婆睇到最新嘅一款:

 

一位加拿大嘅爸爸Sylvain Bérubé,因為有次坐飛機時見到自己囡囡蜷曲住瞓覺,愛女心切嘅佢就花咗4年時間,研發出一種可以承托到頭、頸嘅頸枕 —— 「手手頸枕」MonPère。

「手手頸枕」MonPère係隸屬Kickstarter嘅新產品,以手形設計嘅MonPère睇起嚟柔軟,內裏其實係一條柔韌性極高嘅矽膠棒,因此可以強壯如臂彎承托住用家嘅頭部,減少因為瞓覺姿態唔好而整傷頸部。

而且卷起就收得埋,清洗也是十分容易,非常方便。

 

宜家MonPère處於眾籌階段,預計出年3-4月先出貨;雖然等得有少少耐,不過如果真係好用嘅話等得耐一耐都值得啊!!價錢方面,間唔中會出下節日優惠,宜家就賣緊加幣75(港幣$454)一個;

不過無論如何,搭飛機帶個頸枕瞓覺真係唔同啲架!至少唔會瞓到頸梗膊痛啊嘛~~

Cr:瞓覺靠手手 超溫馨旅行頸枕
https://etw.nextdigital.com.hk/article/3_57494330
https://www.kickstarter.com/projects/1929271252/monpere-sleep-tool-a-new-breed-of-travel-pillow

You may also like...

Leave a Reply